Endurnýjun lyfseðla

Auðveldast er að sækja um endurnýjun lyfseðla, eða skoða stöðu á lyfjaávísunum í lyfseðlagátt, með því að fara inn á vefinn heilsuvera.is.

Skjólstæðingar heilsugæslu HSS geta einnig óskað eftir endurnýjun lyfseðla með tölvupósti eða hjá hjúkrunarfræðingum í síma. Hér er átt við lyf sem fólk hefur áður fengið skrifað upp á hjá HSS.

Tölvupóstur:

Senda upplýsingar um nafn, kennitölu, símanúmer, heiti lyfs, skammtastærð, ástæðu lyfjatöku með tölvupósti á el@hss.is. Lyfseðlar eru sendir í lyfseðlagátt og hægt að nálgast þá í hvaða apóteki sem er á landinu. 

Reynt er að afgreiða beiðnir sem fyrst, en fólk er engu að síður hvatt til þess að sýna fyrirhyggju og óska eftir endurnýjun í tíma.

Öllu jöfnu eru svefnlyf, sterk verkjalyf, róandi lyf, Ritalin (og skyld lyf) og sýkingalyf eru EKKI afgreidd á þennan hátt.

Sendið tölvupóst á netfangið el@hss.is með ofangreindum upplýsingum.

Endurnýjun lyfseðla hjá hjúkrunarfræðingum:

Skráið nafn og símanúmer á símalista í síma 422 - 0500 milli kl. 08:00 – 12:00 virka daga. Hringt er til baka á milli kl. 08:00 - 16:00 samdægurs til að afgreiða útfyllingu lyfseðla. Lyfseðlar eru sendir til læknis sem sendir þá í lyfseðlagátt og hægt er að nálgast þá í hvaða apóteki sem er á landinu. Reynt er að afgreiða beiðnir sem fyrst, en fólk er engu að síður hvatt til þess að sýna fyrirhyggju og óska eftir endurnýjun í tíma.

Svefnlyf, sterk verkjalyf, róandi lyf, Ritalin (og skyld lyf) og sýkingalyf eru EKKI afgreidd á þennan hátt.

Síðast uppfært fimmtudagur, 07 desember 2017 14:26
Fleira í þessu flokki: « Símaráðgjöf hjúkrunarfræðinga