Laus staða deildarstjóra á skurðdeild HSS

Featured Laus staða deildarstjóra á skurðdeild HSS

Heilbrigðisstofnun Suðurnesja óskar eftir að ráða hjúkrunarfræðing til starfa í stöðu deildarstjóra á speglun og skurðstofu. Vegna aukinna verkefna er laus ný staða deildarstjóra. Staðan veitist frá 2. janúar 2018.

Helstu verkefni og ábyrgð

Deildarstjóri starfar samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar. Framundan er skipulagning, uppbygging og mótun á starfsemi  deildarinnar. Deildarstjóri er leiðandi í klínísku starfi, framþróun, umbótum og mótun liðsheildar. Hann ber ábyrgð á rekstri og mönnun deildarinnar.

Menntunar og hæfniskröfur

  • Íslenskt hjúkrunarleyfi
  • Framhaldsmenntun í stjórnun eða klínískri hjúkrun
  • Jákvætt viðmót og frammúrskarandi samskiptahæfni
  • Frumkvæði, skipulögð vinnubrögð og faglegur metnaður til að ná árangri
  • Leiðtogahæfni
  • m.k. 5 ára starfsreynsla á speglun og/eða skurðstofu
  • Góð íslenskukunnátta

Frekari upplýsingar um starfið

Laun eru samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. Sótt er um starfið rafrænt á hér á vefnum undir Laus störf.  Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða viðtölum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknin gildir í sex mánuði.

Starfshlutfall er 70%.

Umsóknarfrestur er til og með 11.desember 2017  

Nánari upplýsingar veita:

Bryndís Sævarsdóttir með netfangið bryndis@hss.is eða í síma 422-0640

Síðast uppfært miðvikudagur, 22 nóvember 2017 09:22