Starfsemi hefst að nýju á skurðdeild HSS

skurdstofur

Starfsemi hefst að nýju á skurðdeild HSS á morgun, föstudaginn 22. maí.

Stofnunin hefur gert samning við fyrirtækið Gravitas, sem Auðun Sigurðsson skurðlæknir rekur, en Auðun hefur sérhæft sig í aðgerðum vegna yfirþyngdar.

Samningur HSS og Gravitas er tímabundinn og nær til loka september á þessu ári. Gravitas leggur til starfsfólk á sjálfa skurðstofuna, en HSS til annarra verka, m.a. í móttöku, skráningu, vöknun, sótthreinsun o.fl.

Að undanförnu hefur starfsfólk okkar unnið að undirbúningi þessarar starfsemi og öll aðstaða, tæki og búnaður hefur verið yfirfarin. Það er sérstök ástæða til að þakka öllum þeim sem að því hafa komið fyrir velvild og áhuga og góða vinnu.

Það er ánægjulegt að sú aðstaða sem HSS hefur til skurðstarfsemi skuli nú vera tilbúinn til notkunar að nýju. Við væntum þess að framhald verði á starfsemi á skurðstofum HSS og þessi samningur verði grunnur að enn frekari starfsemi þar.

Við bjóðum Auðun og samstarfsfólk hans velkomið og væntum góðs samstarfs við alla sem að þessu verkefni koma.

Halldór Jónsson
Forstjóri HSS

 

Síðast uppfært föstudagur, 12 júní 2015 14:46