Endurnýjun lyfseðla

Auðveldast er að sækja um endurnýjun lyfseðla, eða skoða stöðu á lyfjaávísunum í lyfseðlagátt, með því að fara inn á vefinn heilsuvera.is.

Skjólstæðingar heilsugæslu HSS geta einnig óskað eftir endurnýjun lyfseðla hjá hjúkrunarfræðingum í síma. Hér er átt við lyf sem fólk hefur áður fengið skrifað upp á hjá HSS.

ATH: EKKI ER LENGUR Í BOÐI AÐ ÓSKA EFTIR ENDURNÝJUN MEÐ TÖLVUPÓSTI

Endurnýjun lyfseðla hjá hjúkrunarfræðingum:

Skráið nafn og símanúmer á símalista í síma 422 - 0500 milli kl. 08:00 – 12:00 virka daga. Hringt er til baka á milli kl. 08:00 - 16:00 samdægurs til að afgreiða útfyllingu lyfseðla. Lyfseðlar eru sendir til læknis sem sendir þá í lyfseðlagátt og hægt er að nálgast þá í hvaða apóteki sem er á landinu. Reynt er að afgreiða beiðnir sem fyrst, en fólk er engu að síður hvatt til þess að sýna fyrirhyggju og óska eftir endurnýjun í tíma.

Svefnlyf, sterk verkjalyf, róandi lyf, Ritalin (og skyld lyf) og sýkingalyf eru EKKI afgreidd á þennan hátt.
Síðast uppfært föstudagur, 05 október 2018 14:34
Fleira í þessu flokki: « Símaráðgjöf hjúkrunarfræðinga