Laus staða hjúkrunarfræðings í hjúkrunarmóttöku

Heilbrigðisstofnun Suðurnesja óskar eftir að ráða hjúkrunarfræðinga til starfa í hjúkrunarmóttöku Reykjanesbæ. Um er að ræða dagvinnu.

Leitað er eftir áhugasömum og metnaðarfullum einstaklingum sem geta unnið sjálfstætt. Á stofnuninni er góð samvinna milli deilda, boðleiðir eru stuttar og hér ríkir góður starfsandi.

Á Heilbrigðisstofnun Suðurnesja eru þrjú svið; heilsugæslusvið, sjúkrahússsvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum.

Helstu verkefni og ábyrgð

Um er að ræða fjölbreytt og krefjandi starf. Hjúkrunarfræðingur sér meðal annars um símaráðgjöf hjúkrunarfræðinga, bólusetningar, fræðslu, heilsueflingu, blóðþrýstingseftirlit, ferðamannabólusetningar, sárameðferð og starfsmannaheilsuvernd. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.

Hæfniskröfur

  • Íslenskt hjúkrunarleyfi.
  • Faglegur metnaður.
  • Góð samskiptahæfni.
  • Sjálfstæði í vinnubrögðum.
  • Hlýtt og jákvætt viðmót.
  • Tveggja ára starfsreynsla af hjúkrunarmóttöku á heilsugæslustöð.

Frekari upplýsingar um starfið

Laun eru samkvæmt kjarasamningi fjármálaráðherra og hlutaðeigandi stéttarfélags.  Sótt er um starfið rafrænt á hér á vefnum undir Laus störf.  Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.

Starfshlutföll 70 – 100%

Umsóknarfrestur er til og með 9. apríl 2018   

Nánari upplýsingar veitir

Sveinbjörg S. Ólafsdóttir, deildastjóri hjúkrunarmóttöku. Netfang: sveina@hss.is     Sími: 422-0500

Síðast uppfært þriðjudagur, 20 mars 2018 22:34