Laus staða hjúkrunarfræðings á Heilsugæslu Grindavíkur hjá Heilbrigðisstofnun Suðurnesja

Heilbrigðisstofnun Suðurnesja óskar eftir að ráða hjúkrunarfræðing til starfa í hjúkrunarmóttöku á heilsugæslustöðina í Grindavík. Um er að ræða dagvinnu.
Leitað er eftir áhugasömum og metnaðarfullum einstakling sem getur unnið sjálfstætt. 

Á Heilbrigðisstofnun Suðurnesja eru þrjú svið; heilsugæslusvið, sjúkrahússvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum.

Helstu verkefni og ábyrgð
Um er að ræða fjölbreytt og krefjandi starf. Hjúkrunarfræðingur sér meðal annars um símaráðgjöf, bólusetningar, fræðslu, heilsueflingu, blóðþrýstingseftirlit, ferðamannabólusetningar, sárameðferð, skólaheilsugæslu og starfsmannaheilsuvernd. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu. Hjúkrunarfræðingar starfa samkvæmt lögum og reglugerðum um heilbrigðisstarfsmenn, siðareglum og markmiðum hjúkrunar og deildarinnar.

Hæfnikröfur
Íslenskt hjúkrunarleyfi.
Faglegur metnaður.
Góð samskiptahæfni.
Sjálfstæði í vinnubrögðum.
Hlýtt og jákvætt viðmót.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert. Hægt er að sækja um starfið hér á vefnum undir Laus störf, eða með því að smella á hlekkinn hér að neðan.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.

Starfshlutfall er 20%
Umsóknarfrestur er til og með 09.07.2018

Nánari upplýsingar veitir
Laufey Birgisdóttir yfirhjúkrunarfræðingur á heilsugæslunni í Grindavík. Netfang: laufey@hss.is Sími: 860-0193

Smelltu hér til að sækja um starfið

Síðast uppfært miðvikudagur, 20 júní 2018 06:00